طريقة عمل العوامة بالصور ( لقيمات بالخليج )
لتحضير العوامة بنحتاج:
كوبين دقيق
كوبين لبن
نص ملعقة صغيره خميرة
زيت نباتي للقلي
قطر
يلا نحضرها:
بوعاء منخلط الدقيق، الخميرة، واللبن بهالشكل لتصير العجينة رخوة وطرية. منغطيها بورق نايلون ومنوضعها بمكان دافي لمدة ساعة أو ساعة ونص لترتاح.
قبل ما نبدا بقلي العوامات منعجن شوي العجينة بإيدنا لنتخلص من الهوا.
منبدا بتشكيل عجينة العوامة. منمسك كمية من العجين بكف الايد، وبمجرد ما نضغط عليها شوي بتطلع عنا كرة بهالشكل. منقطعها بواسطة الملعقة المغمسة بالزيت ومنسقطها بالزيت الحامي.
بنفس الطريقة منشكل باقي كرات العجينة.
منقلي العوامات ومنضغط عليها من فوق بالكفكير. منستمر بتقليبها حتى يصير لونها دهبي. منرفعها على مصفاية ومنتركها لتصفى من الزيت.
بعد ما تصفى من الزيت منسكب العوامات بوعاء القطر ومنتركها تنتقع لفترة قصيرة.
منرفع العوامة على طبق التقديم ومنقدمها باردة.
ليست هناك تعليقات:
إرسال تعليق